OKUFANELE KUTHANDAZELWE

Awukwazi ukunxusela uma ungakholelwa ebuqinisweni bokuhlengwa; uyoguqula ukunxusela kube uzwelo olungenamsebenzi ngabantu okuyomane kwandise ukuvuma kwabo ngokuthobeka ukuqhubeka bengaxhumene noNkulunkulu. Ekunxuseleni uletha umuntu, noma isimo esikuthintayo phambi kukaNkulunkulu kuze kube yilapho ushukunyiswa isimo saKhe sengqondo ngalowo muntu noma leso simo. Ukunxusela kusho ukugcwalisa "lokho okusele ezinhluphekweni zikaKristu," futhi yingakho abaxuseli bembalwa kangaka. Ukunxusela kubekwa kanje — "Zibeke endaweni yakhe." Nakanye! Zama ukuzibeka endaweni kaNkulunkulu.

Njengesisebenzi, qaphela ukuhambisana nokwaziswa kweqiniso okuvela kuNkulunkulu kungenjalo uyocindezelwa. Uma wazi kakhulu, ngaphezu kwalokho uNkulunkulu akuhlelele ukuba ukwazi, awukwazi ukuthandaza, isimo sabantu sicindezela kangangokuthi awukwazi ukufinyelela ebuqinisweni.

Umsebenzi wethu usekufinyeleleni ekuxhumaneni okuqondile noNkulunkulu ngakho konke, futhi siyawugwema ngokuba izisebenzi ezimatasa. Senza izinto ezingafakwa ohlwini kodwa asifuni ukunxusela. Ukunxusela kuwukuphela kwento engenazingibe, ngoba kugcina ubudlelwane bethu noNkulunkulu buvuleke ngokuphelele.

Into okufanele iqashelwe ekunxuseleni iwukuba kungabi namphefumulo olungiswa nje ngokuchibiyela, umphefumulo kumelwe udlulele ekuxhumaneni nokuphila kukaNkulunkulu. Cabanga ngenani lemiphefumulo uNkulunkulu ayilethe endleleni yethu futhi esiyiyekile! Lapho sithandaza ngesisekelo sokuhlengwa, uNkulunkulu udala into angenakuyidala nganoma iyiphi enye indlela ngaphandle komthandazo wokunxusela.