UKUBHEKANA NOKUSHUSHISWA
“Kodwa mina ngithi kini, Ningamelani nobubi; kodwa lowo okushaya esihlathini sokunene, mphendulele nesinye futhi.”
NgokukaMathewu 5:39, njll
La mavesi embula ukuthotshiswa kokuba umKristu. Ngokwemvelo, uma umuntu engaphindiseli, kungenxa yokuthi uyigwala; kodwa ngokomoya uma umuntu engaphindiseli, lokhu kuwukubonakaliswa kweNdodana kaNkulunkulu kuye. Lapho uthukwa, akumelwe ugcine ngokungathukutheli, kodwa kwenze kube yithuba lokubonisa iNdodana kaNkulunkulu. Awukwazi ukulingisa isimo esibusayo sangaphakathi sikaJesu; sikhona noma asikho. Kongcwele ukuthukwa kwakhe siqu kuba yithuba lokwembula ubumnene obungakholeki beNkosi uJesu.
Imfundiso yeNtshumayelo yaseNtabeni ayithi — Yenza okuyisibopho sakho, kodwa ithi — Yenza okungesona isibopho sakho. Akusona isibopho sakho ukuhamba imayela lesibili, noma ukuphendula esinye isihlathi, kodwa uJesu uthi uma singabafundi baKhe siyohlale sizenza lezi zinto. Ngeke kube nomoya othi — "O, kulungile, angisakwazi ukwenza okunye, ngimelelwe kabi kakhulu futhi angiqondwanga." Njalo lapho ngigcizelela amalungelo ami, ngilimaza iNdodana kaNkulunkulu; kodwa ngingavimbela ukuba uJesu alimale uma mina ngamukela ukushaywa. Yilokho okushiwo ukugcwalisa okusele ezinhluphekweni zikaKristu. Umfundi uyaqaphela ukuthi udumo lweNkosi yakhe olusengcupheni ekuphileni kwakhe, hhayi udumo lwakhe.
Ungalokothi ufune ukulunga komunye umuntu, kodwa wena ungalokothi uyeke ukulunga. Sihlala sifuna ukuphathwa ngobulungisa; imfundiso yeNtshumayelo yaseNtabeni ithi — Ungalokothi ufune ukuphathwa ngobulungisa, kodwa ungalokothi uyeke ukubunikeza.