UMPHAKATHI KAMOYA
“Size sifike sonke . . . esilinganisweni sobukhulu bokugcwala kukaKristu.”
Kwabase-Efesu 4:13
Ukuvuselelwa kusho ukubuyisela sonke isintu ebuhlotsheni uNkulunkulu ayebuhlelele sona, futhi yilokhu uJesu Kristu akwenza ekuhlengeni. IBandla liyayeka ukuba ngumphakathi kamoya lapho lifuna ukuba inhlangano yalo ithuthuke. Ukubuyiselwa kwesintu ngokohlelo lukaJesu Kristu kusho ukwenza uJesu Kristu abe ngokoqobo ekuphileni komphakathi kanye nasekuphileni komuntu ngamunye. UJesu Kristu wathumela abaphostoli nabafundisi ngale njongo — ukuze ubuntu bomphakathi benziwe bube ngokoqobo. Asilapha ukuzithuthukisela ukuphila kukamoya, noma ukujabulela ukuzihlukanisa kukamoya; silapha ukuba senze uJesu Kristu abe ngokoqobo kuze kwakheke uMzimba kaKristu.
Ingabe ngakha uMzimba kaKristu, noma ngifuna kuphela ukuthuthuka kwami siqu? Into ebalulekile ubuhlobo bami siqu noJesu Kristu — "Ukuze ngimazi Yena." Ukufeza uhlelo lukaNkulunkulu kusho ukuzinikela ngokuphelele kuYe. Noma nini lapho ngizifunela izinto, ubuhlobo buyaphazamiseka. Kuyoba ukuthotshiswa okukhulu ukuqaphela ukuthi angizange ngikhathalele ukwenza uJesu Kristu abe ngokoqobo, kodwa ngakhathalela kuphela ukuqaphela lokho angenzele khona.
"Umgomo wami nguNkulunkulu uqobo lwaKhe, hhayi injabulo noma ukuthula,
Noma ngisho isibusiso, kodwa Yena uqobo, uNkulunkulu wami." Ingabe ngikala ukuphila kwami ngaleli zinga noma ngokuthile okungaphansi kwalo?