NY FAMPIOFANANA AMIN’NY FAHASAROTANA
“Atỳ amin’izao tontolo izao no ahitanareo fahoriana: nefa mahereza; Izaho efa naharesy izao tontolo izao.”
Jaona 16:33
Ny fomba fijery mahazatra momba ny fiainana Kristiana dia ny hoe fanafahana amin’ny fahoriana izany. Fanafahana ao anatin’ny fahoriana kosa izany, izay tena hafa mihitsy. "Izay mitoetra ao amin’ny fierena izay an’ny Avo Indrindra . . . tsy hisy loza hanjo anao" — tsy misy areti-mandringana afaka manatona ny toerana izay iraisanao amin’Andriamanitra.
Raha zanak’Andriamanitra ianao, dia azo antoka fa hisy fahoriana hatrehina, nefa hoy Jesosy aza gaga rehefa tonga izany. "Atỳ amin’izao tontolo izao no ahitanareo fahoriana: nefa mahereza, Izaho efa naharesy izao tontolo izao, tsy misy tokony hatahoranareo." Ireo olona izay naneso ny firesahana fahoriana talohan’ny namonjena azy, dia matetika tonga "malemy sy tsy misy herim-po" rehefa ateraka indray satria diso ny heviny momba ny olo-masina.
Tsy manome antsika fiainana efa mandresy Andriamanitra: manome antsika fiainana eo am-pandresentsika Izy. Ny fihenjanana no hery. Raha tsy misy fihenjanana, dia tsy misy hery. Mangataka amin’Andriamanitra ve ianao mba hanome anao fiainana sy fahalalahana ary fifaliana? Tsy afaka manome Izy, raha tsy manaiky ny fihenjanana ianao. Raha vao miatrika ny fihenjanana ianao, dia hahazo ny hery. Reseo ny fahatahoranao manokana ary raiso ilay dingana, dia homen’Andriamanitra anao hohanina ny avy amin’ny hazon’aina ka hahazo sakafo ianao. Raha mandany ny tenanao ara-batana ianao, dia ho reraka; fa mandania ny tenanao ara-panahy, dia hahazo hery bebe kokoa ianao. Tsy manome hery ho an’ny ampitso velively Andriamanitra, na ho an’ny ora manaraka, fa ho an’ny fihenjanana amin’ity minitra ity ihany. Ny fakam-panahy dia ny hiatrika ny fahasarotana araka ny fijerin’ny saina mahazatra. Faly dia faly ny olo-masina rehefa torotoroin’ny fahasarotana satria tsy azo tanterahina amin’ny fomba mampihomehy ho an’iza na iza ilay zavatra afa-tsy Andriamanitra.