NY KAMO ARA-PANAHY
“Aoka isika hifampandinika hamporisika ny fitiavana sy ny asa tsara; ka tsy mahafoy ny fiarahantsika miangona.”
Hebreo 10:24-25
Samy mety ho kamo ara-panahy isika rehetra; tsy te hifangaro amin’ny korontana sy fifampikasohana eo amin’ny fiainana araka ny tena maha-izy azy isika, fa ny hany tanjontsika dia ny hahazo fitokana-monina. Ny feo asongadin’ny Hebreo 10 dia ny fifamporisihana sy ny fiarahana mitoetra — samy mitaky fandraisana andraikitra ireo, dia ny fandraisana andraikitra hampanjary an’i Kristy ho tena zava-misy eo amin’ny fiainana, fa tsy ny fampanjary ny tena. Ny miaina fiainana lavitra, mitoka-monina, ary mihidy dia mifanohitra tanteraka amin’ny fiainana ara-panahy araka ny nampianarin’i Jesosy Kristy azy.
Tonga ny fitsapana ny maha-ara-panahy antsika rehefa mifanehitra amin’ny tsy rariny sy ny hasomparana ary ny tsy fankasitrahana sy ny korontana isika, izay samy manana fironana hahatonga antsika ho kamo ara-panahy. Tiantsika hampiasaina mba hahazoana fitokana-monina ny vavaka sy ny famakiana Baiboly. Ampiasaintsika Andriamanitra mba hahazoana fiadanana sy fifaliana, izany hoe, tsy te hampanjary an’i Jesosy Kristy ho tena zava-misy isika, fa ny fahafinaretantsika Aminy ihany. Izany no dingana voalohany mankany amin’ny lalana diso. Vokatra avokoa ireo zavatra ireo nefa ezahintsika hatao antony.
"Heveriko fa mety," hoy Petera, "... ny hanaitra anareo amin’ny fampahatsiahivana." Zavatra tena manelingelina ny voadona eo amin’ny taolan-tehezana noho ny olona iray ampiasain’Andriamanitra hanaitra, dia olona iray feno asa ara-panahy. Tsy zavatra iray ihany ny asa mavitrika sy ny asa ara-panahy. Mety ho sandoka misolo ny asa ara-panahy ny asa mavitrika. Ny loza amin’ny hakamoana ara-panahy dia ny tsy faniriantsika hohetsehina, fa izay rehetra tiantsika ho re dia momba ny fitokana-monina ara-panahy. Tsy mampirisika velively ny hevitra momba ny fitokana-monina i Jesosy Kristy — "Mandehana lazao amin’ny rahalahiko..."