VONONA HATOLOTRA VE IANAO?
“Efa aidina sahady ho fanatitra zava-pisotro aho.”
2Timoty 4:6 (R. V. Marg.)
"Vonona hatolotra aho." Fifampiraharahana amin’ny sitrapo izany, fa tsy amin’ny fihetseham-po. Lazao amin’Andriamanitra fa vonona hatolotra ianao; dia avelao ho araka izay mety ho izy ny vokany, tsy misy intsony na dia singam-pitarainana aza, na inona na inona fidin’Andriamanitra. Ampandalovin’Andriamanitra mitokana ao amin’ny krizy ianao, tsy misy olona afaka manampy ny iray hafa. Mety hitovy ny fiainana etỳ ivelany; ao amin’ny sitrapo ny fahasamihafana. Mandalòva ny krizy ao amin’ny sitrapo, dia rehefa tonga etỳ ivelany izany dia tsy hisy fiheverana ny vidiny. Raha tsy manao izany fifampiraharahana amin’ny sitrapo amin’Andriamanitra izany ianao, dia hiafara amin’ny fampifoha fangorahana ho an’ny tenanao.
"Afatory amin’ny tady ny fanatitra, hatrany amin’ny tandroky ny alitara." Midika afo ny alitara — fandoroana sy fanadiovana ary fitokana-monina ho amin’ny fikasana iray ihany, dia ny fandravana ny fifamatorana rehetra izay tsy natombok’Andriamanitra sy ny firaiketana rehetra izay tsy firaiketana ao amin’Andriamanitra. Tsy ianao no mandrava izany, fa Andriamanitra; afatory amin’ny tandroky ny alitara ny fanatitra; ary ataovy azo antoka fa tsy manaiky hiantra tena ianao rehefa manomboka ny afo. Aorian’io lalan’ny afo io, dia tsy misy na inona na inona mampahory na mampahaketraka. Rehefa mipoitra ny krizy, dia tsapanao fa tsy afaka mikasika anao toy ny taloha intsony ny zavatra. Inona no lalan’ny afonao?
Lazao amin’Andriamanitra fa vonona hatolotra ianao, ary hoporofoin’Andriamanitra fa Izy no izay rehetra nofinofinao hatrizay fa ho Izy.