SYNE!

Die sendeling is iemand in wie die Heilige Gees hierdie verwesenliking bewerk het — "Julle behoort nie aan julleself nie." Om te sê, "Ek behoort nie aan myself nie" is om ’n groot punt in geestelike edelheid te bereik. Die ware natuur van die lewe in die daadwerklike gewoel is die doelbewuste prysgawe van myself aan ’n Ander in soewereine voorkeur, en daardie Ander is Jesus Christus. Die Heilige Gees lê die natuur van Jesus vir my uit om my een met my Here te maak, nie opdat ek as ’n uitstalling in ’n vertoonlokaal sou weggaan nie. Ons Here het nooit enigeen van die dissipels uitgestuur op grond van wat Hy vir hulle gedoen het nie. Dit was eers ná die Opstanding, toe die dissipels deur die krag van die Heilige Gees waargeneem het Wie Hy was, dat Jesus gesê het "Gaan."

"As iemand na My toe kom en nie haat nie . . ., kan hy My dissipel nie wees nie," nie, hy kan nie goed en opreg wees nie, maar, hy kan nie iemand wees oor wie Jesus die woord skryf "Myne." Enigeen van die verhoudings wat Ons Here noem kan ’n mededingende verhouding wees. Ek verkies miskien om aan my moeder, of aan my vrou, of aan myself te behoort; dan, sê Jesus, kan u nie My dissipel wees nie. Dit beteken nie dat ek nie gered sal word nie, maar dit beteken wel dat wat ek nie kan wees nie is "Syne."

Ons Here maak ’n dissipel Sy eie besitting, Hy word vir hom verantwoordelik. "Julle sal getuies vir My wees." Die gees wat inkom is nie dié van enigiets vir Jesus doen nie, maar van ’n volmaakte vreugde vir Hom wees. Die geheim van die sendeling is — Ek is Syne, en Hy voer Sy ondernemings deur my uit.