DIE REKENING MET REINHEID

Ons begin deur ons onkunde te vertrou en dit onskuld te noem, deur ons onskuld te vertrou en dit reinheid te noem; en wanneer ons hierdie ruwe uitsprake van Ons Here hoor, deins ons terug en sê — Maar ek het nooit enige van daardie afgryslike dinge in my hart gevoel nie. Ons neem aanstoot aan wat Jesus Christus openbaar. Óf Jesus Christus is die hoogste Gesag oor die menslike hart, óf Hy is nie die minste aandag werd nie. Is ek bereid om Sy deurdringing te vertrou, of verkies ek om my onskuldige onkunde te vertrou? As ek bewuste onskuld die toets maak, sal ek waarskynlik by ’n plek kom waar ek met ’n sidderende ontwaking ontdek dat wat Jesus Christus gesê het waar is, en ek sal ontstel wees oor die moontlikheid van kwaad en verkeerdheid in my. Solank ek onder die toevlug van onskuld bly leef ek in ’n dwaseparadys. As ek nog nooit ’n skurk was nie, is die rede ’n mengsel van lafhartigheid en die beskerming van die beskaafde lewe; maar wanneer ek voor God ontklee is, ontdek ek dat Jesus Christus reg is in Sy diagnose.

Die enigste ding wat beveilig is die Verlossing van Jesus Christus. As ek myself aan Hom wil oorhandig, hoef ek nooit die verskriklike moontlikhede wat in my hart is te ervaar nie. Reinheid lê vir my te diep daaronder om dit natuurlik te bereik: maar wanneer die Heilige Gees inkom, bring Hy tot in die middelpunt van my persoonlike lewe juis die Gees wat in die lewe van Jesus Christus geopenbaar is, nl., die Heilige Gees, wat onbevlekte reinheid is.