DIE PRYS VAN VISIOEN
“In die jaar toe koning Ussia gesterf het, het ek ook die Here gesien.”
Jesaja 6:1
Ons siel se geskiedenis met God is dikwels die geskiedenis van die "heengaan van die held." Oor en oor moet God ons vriende verwyder om Homself in hulle plek te bring, en dit is waar ons beswyk en faal en moedeloos raak. Neem dit persoonlik: In die jaar toe die een wat vir my vir alles gestaan het wat God was, gesterf het — het ek alles prysgegee? Het ek siek geword? Het ek moed verloor? of — het ek die Here gesien?
My visioen van God hang van die toestand van my karakter af. Karakter bepaal openbaring. Voordat ek kan sê "het ek ook die Here gesien," moet daar iets in my karakter wees wat met God ooreenstem. Totdat ek wedergebore is en die Koninkryk van God begin sien, sien ek slegs langs die lyn van my vooroordele; ek het die chirurgiese operasie van uiterlike gebeurtenisse en ’n innerlike reiniging nodig.
Dit moet God eerste, God tweede, en God derde wees, totdat die lewe standvastig na God gekeer is en niemand anders hoegenaamd van enige belang is nie. "In die hele wêreld is daar niemand behalwe U nie, my God, daar is niemand behalwe U nie." Hou aan om die prys te betaal. Laat God sien dat u gewillig is om aan die visioen getrou te leef.