GEREEDHEID

Wanneer God spreek, is baie van ons soos mense in 'n mis, ons gee geen antwoord nie. Moses se antwoord het geopenbaar dat hy êrens was. Gereedheid beteken 'n regte verhouding tot God en kennis van waar ons tans is. Ons is so besig om vir God te vertel waarheen ons graag sou wou gaan. Die man of vrou wat gereed is vir God en Sy werk is die een wat die prys wegdra wanneer die oproep kom. Ons wag met die gedagte aan een of ander groot geleentheid, iets sensasioneels, en wanneer dit kom roep ons gou — "Hier is ek." Wanneer Jesus Christus ook al in die opgang is, is ons daar, maar ons is nie gereed vir 'n onopvallende plig nie.

Gereedheid vir God beteken dat ons gereed is om die piepklein ding of die ontsaglik groot ding te doen, dit maak geen verskil nie. Ons het geen keuse in wat ons wil doen nie, wat God se program ook al mag wees ons is daar, gereed. Wanneer enige plig hom voordoen hoor ons God se stem soos Ons Here Sy Vader se stem gehoor het, en ons is daarvoor gereed met al die wakkerheid van ons liefde vir Hom. Jesus Christus verwag om met ons te doen soos Sy Vader met Hom gedoen het. Hy kan ons plaas waar Hy wil, in aangename pligte of in onaanzienlike pligte, omdat die eenheid dié van die Vader en Homself is. "Sodat hulle een kan wees, net soos Ons een is."

Wees gereed vir die skielike verrassingsbesoeke van God. 'n Gereed mens hoef nooit gereed te word nie. Dink aan die tyd wat ons verspil om te probeer gereed word wanneer God geroep het! Die brandende bos is 'n simbool van alles wat die gereed siel omring, dit vlam met die teenwoordigheid van God.