WAT OM ONDER DIE OMSTANDIGHEDE TE DOEN
“Werp u las op die Here.”
Psalm 55:22
Ons moet onderskei tussen die dra van laste wat reg is en die dra van laste wat verkeerd is. Ons behoort nooit die las van sonde of van twyfel te dra nie, maar daar is laste wat God op ons plaas wat Hy nie van plan is om af te lig nie, Hy wil hê ons moet hulle op Hom terugrol. "Werp dit wat Hy u gegee het op die Here." (R.V.-kantlyn.) As ons werk vir God onderneem en kontak met Hom verloor, sal die besef van verantwoordelikheid oorweldigend verpletterend wees; maar as ons dit wat Hy op ons geplaas het op God terugrol, neem Hy die besef van verantwoordelikheid weg deur die besef van Homself binne te bring.
Baie arbeiders het met hoë moed en edele impulse uitgegaan, maar sonder intieme gemeenskap met Jesus Christus, en kort voor lank is hulle verpletter. Hulle weet nie wat om met die las te doen nie, dit bring vermoeidheid voort, en mense sê — "Wat 'n verbitterde einde vir so 'n begin!"
"Rol u las op die Here" — u het dit alles gedra; plaas een kant doelbewus op die skouers van God. "Die heerskappy sal op Sy skouer wees." Vertrou aan God toe "wat Hy u gegee het"; moenie dit afwerp nie, maar plaas dit oor op Hom en uself daarmee saam, en die las word verlig deur die besef van kameraadskap. Moet uself nooit van die las losmaak nie.