ISIMANGALISO SOKUKHOLWA
“Inkulumo yami nokushumayela kwami kwakungekho ngamazwi ayengayo.”
1 KwabaseKhorinte 2:1-5
UPawulu wayeyisifundiswa nesikhulumi sezinga lokuqala; akakhulumi ngokuzithoba okuzidelelayo; kodwa uthi ubeyosibekela amandla kaNkulunkulu uma, lapho eshumayela ivangeli, ehlaba abantu umxhwele "ngobuhle benkulumo yakhe." Ukukholwa kuJesu kuyisimangaliso esivezwa kuphela ngamandla okuhlengwa okuletha umphumela, hhayi ubukhazikhazi benkulumo, hhayi ukuheha nokuzuza abantu, kodwa amandla kaNkulunkulu amsulwa angasizwa muntu. Amandla okudala okuhlengwa eza ngokushunyayelwa kweVangeli, kodwa awalokothi eze ngenxa yobuntu bomshumayeli. Ukuzila kwangempela komshumayeli akukhona ukuzila ukudla, kodwa kunalokho kuwukuzila ubuciko bokukhuluma, ubukhazikhazi nokukhethwa kwamagama amahle kakhulu, nakho konke okungavimba ukuba ivangeli likaNkulunkulu lethulwe. Umshumayeli ukhona njengommeleli kaNkulunkulu — "njengokungathi uNkulunkulu unxusa ngathi." Ukhona ukuze ethule iVangeli likaNkulunkulu. Uma abantu befisa ukuba ngcono ngenxa yokushumayela kwami kuphela, abasoze basondela kuJesu Kristu. Noma yini engithophayo lapho ngishumayela iVangeli iyogcina ingenze imbuka kuJesu; ngivimbela amandla okudala okuhlengwa kwaKhe ukuba enze umsebenzi wawo.
"Mina, uma ngiphakanyiswa . . . , ngiyodonsela bonke abantu Kimi."