UBUNKULUNKULU BOKUZIPHATHA
“Ngokuba uma sitshalwe kanye naYe ekufaneni nokufa kwaKhe, siyoba njalo futhi ekufaneni nokuvuka kwaKhe.”
KwabaseRoma 6:5
Ukuvuka kanye noKristu.
Ubufakazi bokuthi ngidlulile ekubethelweni noJesu ukuthi kukhona ukufana okusobala kwami naYe. Ukungena kukaMoya kaJesu ngaphakathi kimi kuhlela kabusha ukuphila kwami siqu maqondana noNkulunkulu. Ukuvuka kukaJesu kumnike igunya lokungabela ukuphila kukaNkulunkulu, ukuphila kwami kokuhlangenwe nakho kumelwe kwakhiwe phezu kwesisekelo sokuphila kwaKhe. Ngingaba nakho manje ukuphila kukaJesu kokuvuka, futhi kuyobonakala ebungcweleni.
Umqondo oqhubeka kuyo yonke imibhalo yomphostoli uPawulu ukuthi ngemva kokwenziwa kwesinqumo sokuziphatha sokuhlanganiswa noJesu ekufeni kwaKhe, ukuphila kukaJesu kokuvuka kuhlasela zonke izingxenye zemvelo yami yobuntu. Kudinga amandla onke ukuphila ukuphila kweNdodana kaNkulunkulu enyameni efayo. UMoya oNgcwele akanakuhlala nje njengeSivakashi endlini, ungena athathe yonke into. Lapho senginqume ukuthi "umuntu wami omdala" (okungukuthi, ifa lesono) ahlanganiswe nokufa kukaJesu, uMoya oNgcwele uyangihlasela. Yena ulawula konke, ingxenye yami ukuhamba ekukhanyeni nokulalela konke akwembulayo. Lapho sengenzile isinqumo sokuziphatha ngesono, kuba lula ukuzibheka ngokoqobo njengofile esonweni, ngoba ngithola ukuphila kukaJesu kulapho ngaso sonke isikhathi. Njengoba kunophawu olulodwa kuphela lobuntu, kanjalo kunophawu olulodwa kuphela lobungcwele, ubungcwele bukaJesu, futhi ubungcwele baKhe buphiwa kimi. UNkulunkulu ubeka ubungcwele beNdodana yaKhe ngaphakathi kimi, futhi ngokomoya ngiba ngowohlelo olusha.