SENDINGMUNISIE

Om te bedien soos die geleentheid ons omring beteken nie dat ons ons omgewing kies nie, dit beteken om in enige toevallige omgewing wat Hy vir ons konstrueer baie uitgesonderd God s’n te wees. Die kenmerke wat ons in ons onmiddellike omgewing openbaar is aanduidings van hoe ons in ’n ander omgewing sal wees.

Die dinge wat Jesus gedoen het was van die nederigste en alledaagsste orde, en dit is ’n aanduiding dat dit al God se krag in my verg om die alledaagsste dinge op Sy wyse te doen. Kan ek ’n handdoek gebruik soos Hy? Handdoeke en skottelgoed en sandale, al die gewone vuil dinge van ons lewe, openbaar vinniger as enigiets waarvan ons gemaak is. Dit verg God die Almagtige vleesgeworde in ons om die geringste plig te doen soos dit gedoen behoort te word.

"Ek het vir julle ’n voorbeeld gegee sodat julle moet doen soos Ek aan julle gedoen het." Let op die soort mense wat God rondom u bring, en u sal verneder word wanneer u ontdek dat dit Sy wyse is om aan u te openbaar watter soort persoon u vir Hom was. Vertoon nou, sê Hy, aan daardie een presies wat Ek aan u getoon het.

"O," sê u, "ek sal dit alles doen wanneer ek uitgaan tot in die buitelandse veld." Om op hierdie wyse te praat is soos om die krygsmunisie in die loopgrawe te probeer vervaardig — u sal doodgemaak word terwyl u dit doen.

Ons moet saam met God die "tweede myl" gaan. Sommige van ons raak in die eerste tien jaarts uitgespeel, omdat God ons dwing om te gaan waar ons die weg nie kan sien nie, en ons sê — "Ek sal wag totdat ek nader aan die groot krisis kom." As ons nie in die klein weë bestendig hardloop nie, sal ons in die krisis niks doen nie.