LAAT ONS BY DIE PUNT BLY
“My vurige begeerte en hoop is dat ek my nooit beskaamd mag voel nie, maar dat ek nou soos altyd Christus in my eie persoon deur vreeslose moed mag eer.”
Filippense 1:20 (MOFFATT)
My uiterste vir Sy hoogste.
"My vurige begeerte en hoop is dat ek my nooit beskaamd mag voel nie." Ons sal almal baie beskaamd voel as ons nie op die punt waarop Jesus ons gevra het om aan Hom toe te gee aan Hom toegee nie. Paulus sê — "My vasbeslotenheid is om my uiterste vir Sy hoogste te wees." Om daar te kom is ’n saak van die wil, nie van bespreking of beredenering nie, maar van ’n oorgawe van die wil, ’n absolute en onherroeplike oorgawe op daardie punt. ’n Buitensporige inagneming van onsself is die ding wat ons van daardie besluit weerhou, hoewel ons dit stel asof ons ander in ag neem. Wanneer ons oorweeg wat dit ander sal kos as ons die roep van Jesus gehoorsaam, sê ons vir God dat Hy nie weet wat ons gehoorsaamheid sal beteken nie. Bly by die punt; Hy weet wel. Sluit elke ander oorweging uit en hou uself voor God vir hierdie een ding alleen — my uiterste vir Sy hoogste. Ek is vasbeslote om absoluut en geheel en al vir Hom en vir Hom alleen te wees.
My onafskrikbaarheid vir Sy heiligheid.
"Of dit lewe of dood beteken, dit maak nie saak nie!" (v.21.) Paulus is vasbeslote dat niks hom daarvan sal afskrik om presies te doen wat God wil hê nie. God se orde moet in ons lewens tot ’n krisis opwerk omdat ons nie op die sagter weg ag gee nie. Hy bring ons by die plek waar Hy ons vra om ons uiterste vir Hom te wees, en ons begin redeneer; dan bring Hy ’n voorsienigheidskrisis teweeg waar ons moet besluit — vir of teen, en van daardie punt af begin die "Groot Skeiding".
As die krisis op enige lyn tot u gekom het, gee u wil absoluut en onherroeplik aan Hom oor.