KWENZE UMKHUBA UKUNGABI NAMIKHUBA
“Ngokuba uma lezi zinto zingezenu futhi zanda, zinenza ningabi ngabavilaphayo noma abangatheli izithelo.”
2 KaPhethro 1:8 (R.V.)
Lapho siqala ukwakha umkhuba siyawuqaphela. Kunezikhathi lapho siqaphela ukuthi siya siba abalungile nababekezelayo nabesaba uNkulunkulu, kodwa yisigaba kuphela; uma sima lapho siyothola ukuhamba ngokuzidla komuntu ozishaya ongokomoya. Into efanele ukwenziwa ngemikhuba ukuyilahlekisela ekuphileni kweNkosi, kuze kube yilapho wonke umkhuba usujwayezwe kangangokuba kungasekho nhlobo ukuwuqaphela. Ukuphila kwethu komoya kuguquka njalo kube ukuzihlola ngaphakathi ngoba kukhona izimfanelo esingakazenezeleli. Ekugcineni ubudlelwano kumelwe bube obulula ngokuphelele.
Unkulunkulu wakho angaba ngumkhuba wakho omncane wobuKristu, umkhuba wokuthandaza ngezikhathi ezimisiwe, noma umkhuba wokufunda iBhayibheli. Bheka ukuthi uYihlo uzoziphazamisa kanjani lezo zikhathi uma uqala ukukhonza umkhuba wakho esikhundleni salokho okufanekiselwa ngumkhuba — Angikwazi ukwenza lokho manje, ngiyathandaza; yihora lami noNkulunkulu. Cha, yihora lakho nomkhuba wakho. Kukhona imfanelo entulekayo kuwe. Qaphela lokho kuntuleka bese ufuna ithuba lokuziqeqesha ngokwaleyo mfanelo okumelwe yenezelwe.
Uthando lusho ukuthi akukho mkhuba obonakalayo, usufike lapho umkhuba usulahlekile khona, futhi ngokujwayela wenza into ungayiqapheli. Uma ubuqaphela ubungcwele bakho, kunezinto ezithile ocabanga ukuthi awukwazi ukuzenza, nobudlelwano obuthile ongenabo nhlobo ubulula kubo; lokho kusho ukuthi kukhona okumelwe kwenezelwe. Okuwukuphela kokuphila okungaphezu kwemvelo ukuphila okwakuphilwa yiNkosi uJesu, futhi wayesekhaya noNkulunkulu noma kuphi. Ingabe kukhona indawo lapho ungekho ekhaya noNkulunkulu? Vumela uNkulunkulu aphumele obala kuleso simo esithile uze uzuze Yena, ukuphila bese kuba ukuphila okulula komntwana.