UKUNXUSELA OKUPHILAYO
“Nikhuleka ngezikhathi zonke ngakho konke ukukhuleka nokunxusa nikuMoya.”
Kwabase-Efesu 6:18
Njengoba siqhubeka ekunxuseleni singathola ukuthi ukulalela kwethu uNkulunkulu kuzobiza abanye abantu okungaphezu kwalokho esasikucabanga. Ingozi-ke ukuqala ukunxusa ngenxa yokuzwelana nalabo uNkulunkulu ayebaphakamisela kancane kancane emkhakheni ohluke ngokuphelele ephendula imikhuleko yethu. Noma nini lapho sihlehla ekuzihlanganiseni nenjongo kaNkulunkulu kwabanye singene ekuzweleni nabo, ukuxhumana kwethu okuphilayo noNkulunkulu sekuphelile, sibeke ukuzwelana kwethu, ukubacabangela kwethu endleleni, futhi lokhu kuwukukhuza uNkulunkulu ngamabomu.
Akunakwenzeka ukunxusela ngokuxhumana okuphilayo ngaphandle kokuba siqiniseke ngokuphelele ngoNkulunkulu, futhi into echitha kakhulu ubudlelwano bethu noNkulunkulu ukuzwelana komuntu siqu nokubandlulula komuntu siqu. Ukuzihlanganisa kuyisihluthulelo sokunxusela, futhi noma nini lapho siyeka ukuzihlanganisa noNkulunkulu, kungenxa yokuzwelana, hhayi ngenxa yesono. Akuvamile ukuba isono siphazamise ubudlelwano bethu noNkulunkulu, kodwa ukuzwelana kuyobuphazamisa, ukuzwelana nathi noma nabanye okusenza sithi — "Angiyikuvumela le nto ukuba yenzeke." Ngaso leso sikhathi sesiphumile ekuxhumaneni okuphilayo noNkulunkulu.
Ukunxusela akukushiyeli sikhathi noma ukuthambekela kokuthandazela "uqobo lwakho oludabukisayo noluthandekayo." Umcabango ngawe awuvinjwa, ngoba awukho kwasekuqaleni ukuba uvinjwe; uzihlanganise ngokuphelele nangokuphelele nezinjongo zikaNkulunkulu ezimpilweni zabanye.
Ukuqonda ngokomoya kuwubizo lukaNkulunkulu lokunxusela, akulona nanini ubizo lokufuna amaphutha.