INGABE UHAMBA NGOKUMHLOPHE?
“Singcwatshwe kanye naYe . . . ukuze . . . kanjalo nathi sihambe ekuphileni okusha.”
KwabaseRoma 6:4
Akekho ongena kokuhlangenwe nakho kokungcweliswa okuphelele engadlulanga "emngcwabeni omhlophe" — ukungcwatshwa kokuphila okudala. Uma le nkinga yokufa ingakaze ibe khona, ukungcweliswa akulutho ngaphezu kombono. Kumelwe kube khona "umngcwabo omhlophe," — ukufa okunovuko olulodwa kuphela — uvuko lokungena ekuphileni kukaJesu Kristu. Akukho okungaphazamisa ukuphila okunjalo, kubunye noNkulunkulu ngenxa yenjongo eyodwa, ukuba ngufakazi waKhe.
Ingabe usufikile ngempela ezinsukwini zakho zokugcina? Uvame ukufika kuzo ngomuzwa, kodwa usufikile kuzo ngempela? Awunakuyela emngcwabeni wakho ngokujabula okukhulu, noma ufe ngokujabula okukhulu. Ukufa kusho ukuthi uyeka ukuba khona. Uyavumelana noNkulunkulu yini ukuba uyeke ukuba yilolo hlobo lomKristu oluzikhandlayo, olushisekayo obuyilo? Sizungeza amathuna futhi sonke isikhathi senqaba ukuya ekufeni. Ukuya ekufeni akukhona ukuzikhandla, kuwukufa — "ukubhapathizelwa ekufeni kwaKhe."
Usuwenzile yini "umngcwabo wakho omhlophe," noma wenza sengathi ungcwele ube udlala ngobuwula ngomphefumulo wakho? Ingabe ikhona indawo ekuphileni kwakho ephawulwe njengosuku lokugcina, indawo inkumbulo ebuyela kuyo inenkumbulo eqondiswe ngesijeziso nebonga ngokungavamile — "Yebo, kwakungaleso sikhathi, kulowo 'mngcwabo omhlophe,' lapho ngenza isivumelwano noNkulunkulu."
"Lokhu kuyintando kaNkulunkulu, ngisho ukungcweliswa kwenu." Lapho uqaphela ukuthi iyini intando kaNkulunkulu, uyongena ekungcwelisweni ngokwemvelo ngangokunokwenzeka. Ingabe uyavuma ukudlula kulowo "mngcwabo omhlophe" manje? Uyavumelana naYe yini ukuthi lolu wusuku lwakho lokugcina emhlabeni? Isikhathi sokuvumelana sincike kuwe.